澳門群記家常菜秘笈 (15) 牛肉番茄蛋

*  番茄落糖煮稔，落少許鹽調至啱自己口味。備用。
*  免治牛肉先用生抽、糖、鹽、生粉、油，調好味。
*  牛肉落鑊，隨即放下煮好的番茄一齊煮。
*  牛肉差不多熟，放少許蒜蓉，一隻蛋，炒勻上碟。

#  如果鍾意重口味，放一粒丁香煮番茄。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！
如果你之前跟群記秘笈做過任何一道菜，歡迎留言留相分享下自己嘅烹調心得，等大家一齊有餐好食。