澳門群記家常菜秘笈 (12) 吉列豬扒 / (13) 洋蔥猪扒

(12) 吉列豬扒

*  猪扒先用刀面拍一兩下，然後用錘捶鬆。
*  用少許生粉開水，分兩三次放落猪扒。唔好一次落晒，等佢吸收下先。
*  然後放糖、生抽、胡椒粉、鹽少許、蒜蓉、蛋黃，醃半小時。
*  落鑊炸之前，每片裹少許生粉、蛋白，上麵包糠。
*  落鑊炸熟。

(13) 洋蔥猪扒

*  猪扒同吉列猪扒一樣醃法，只是不用落疍。煎熟備用。
*  洋葱切圈，落糖、生抽炒熟。
*  落猪扒，翻炒一下，上碟。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！
如果你之前跟群記秘笈做過任何一道菜，歡迎留言留相分享下自己嘅烹調心得，等大家一齊有餐好食。