澳門群記家常菜秘笈 (9) 蘿蔔炆牛筋牛腩／ (10) 美極大頭蝦粉絲煲

(9) 蘿蔔炆牛筋牛腩

*  牛筋先用薑片、果皮、一粒八角、兩粒丁香，㷛稔。
*  牛筋煲稔後，落柱候醬、一至兩磚腐乳、一細粒冰糖。
*  再落牛腩，繼續㷛至稔。
*  加蠔油調味到合自己胃口。

(10) 美極大頭蝦粉絲煲

*  粉絲先浸泡。
*  獻汁：生抽、少許美極汁、少許魚露、水、沙糖，調味到合自己口味。

*  大頭蝦開背，落鑊炒到7成熟。
*  落薑粒、葱粒繼續炒，然後落獻汁。
*  再落粉絲，炒至乾身。
*  放少許麻油，上碟。

～～～～～～～～～～～～～～～～～～～～

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！